Skotárás var gerð við Hvíta húsið í kvöld þegar Donald Trump hélt þar blaðamannafund. Þetta kemur fram í streymi Bloomberg-fréttaveitunnar frá fundinum. Upptaka af streyminu er hér að neðan en seint á henni má heyra Trump skýra frá því hvað gerðist. Sagði hann að leyniþjónustumenn hafi skotið árásarmanninn og sé hann á leiðinni á sjúkrahús. Þakkaði Trump leyniþjónustumönnum fyrir fumlaus viðbrögð.
Framar í upptökunni má sjá atvikið óljóst.
„Þetta er hættulegur heimur,“ svaraði Trump því helst til þegar blaðamenn spurðu hann hvort honum væri brugðið vegna atviksins. Hann hélt síðan áfram að lofa leyniþjónustuna.
Atvikið mun hafa átt sér stað örskammt frá Hvíta húsinu en ekki inni á lóðinni heldur rétt við Lafayette-almenningsgarðinn.
