En það eru hins vegar fleiri karlar sem hafa látist af völdum veirunnar en konur. 2.977 karlar hafa látist.
Lena Hallengren, félagsmálaráðherra, sagði á fréttamannafundi í gær að hættan af völdum heimsfaraldursins væri ekki liðin hjá. Af þeim sökum hefur ríkisstjórnin ákveðið að viðeigandi yfirvöld og stofnanir eigi nú að undirbúa sig undir stóran faraldur í haust.
Heilbrigðisyfirvöld eiga einnig að gera spá um hversu umfangsmikill slíkur faraldur gæti orðið. Hallengren sagði að nýr faraldur verði væntanlega í formi staðbundinna faraldra. Af þeim sökum sé mikilvægt að gera viðbragðsáætlanir á svæðisvísu, ekki bara á landsvísu.
Svíar hafa farið mun verr út úr faraldrinum en hin Norðurlöndin en 53,1 af hverjum 100.000 íbúum hafa látist af völdum veirunnar þar í landi. Í Danmörku er hlutfallið 10,5 af hverjum 100.000 íbúum.
