Yfirvöld í Hong Kong lögðu nýlega hald á 26 tonn af hárkarlsuggum af 38.500 hákörlum. Meirihlutinn var af tveimur tegundum sem eru í útrýmingarhættu. Uggarnir komu til landsins í gámum frá Ekvador. Aldrei fyrr hefur verið lagt hald á svo mikið magn ugga í einu í Hong Kong.

Málið sýnir að enn er mikil eftirspurn eftir hákarlsuggum. Það er ekki bannað að selja og framreiða slíkan mat í Hong Kong en það þarf leyfi til þess.

Hákarlsuggar eru vinsæll matur í kínverskum brúðkaupum og meðal eldra fólks.

Uggarnir eru verðmætasti hluti hákarla og margir sjómenn kasta restinni af dýrunum, lifandi en með banvæna áverka, aftur í sjóinn eftir að hafa skorið uggana af þeim. Wild Aid samtökin telja að 73 milljónir hákarla séu drepnir árlega í þessu skyni.