Samkvæmt frétt Kyodo þá sagði hann fyrir rétti að fatlað fólk sem gæti ekki tjáð sig njóti engra mannréttinda. Í viðtali við Mainichi Shimbun dagblaðið sagði hann að „það þjónaði engum tilgangi að lifa“ fyrir fólk sem er andlega fatlað og að hann hefði „orðið að gera þetta fyrir samfélagið“.
Málið er eitt hræðilegasta og mannskæðasta fjöldamorðið í Japan og skók þjóðina en ofbeldisverk eru frekar fátíð í landinu.
Dómstóll í Yokohama dæmdi hann til dauða og verður hann hengdur. Uematsu hefur áður látið hafa eftir sér að hann hefði ekki í hyggju að áfrýja þeim dómi sem yrði kveðinn upp yfir honum.
