Það var YouTube-notandinn DaveHax sem birti myndband sem sýnir góða aðferð til að skræla kartöflur. Það besta við þessa aðferð er að maður þarf eiginlega ekki að gera mjög mikið.
Það eina sem þarf er:
Kartöflur
Hníf
Pott með sjóðandi vatni
Fyrst á að gera lítinn skurð í kartöflurnar, um það bil fyrir miðju. Síðan er skorið í hring um hana þannig að hnífurinn fari nákvæmlega í gegnum hýðið.
Kartöflurnar eru síðan settar í sjóðandi vatn. Þegar þær hafa soðið er vatninu hellt af og þær látnar kólna. Þegar þær eru orðnar kaldar er bara að taka þær upp úr og hýðið dettur nær fyrirhafnarlaust af þeim.