Það er margt skemmtilegra en að skræla kartöflur. En sem betur fer þá eru til góð ráð um hvernig er best að skræla þær og ráðið sem hér er sagt frá er einfalt og gott. Gallinn við það er eiginlega sá að fólk áttar sig vel á að það hefur skrælt kartöflur á rangan hátt allt sitt líf!

Það var YouTube-notandinn DaveHax sem birti myndband sem sýnir góða aðferð til að skræla kartöflur. Það besta við þessa aðferð er að maður þarf eiginlega ekki að gera mjög mikið.

Það eina sem þarf er:

Kartöflur

Hníf

Pott með sjóðandi vatni

Fyrst á að gera lítinn skurð í kartöflurnar, um það bil fyrir miðju. Síðan er skorið í hring um hana þannig að hnífurinn fari nákvæmlega í gegnum hýðið.

Kartöflurnar eru síðan settar í sjóðandi vatn. Þegar þær hafa soðið er vatninu hellt af og þær látnar kólna. Þegar þær eru orðnar kaldar er bara að taka þær upp úr og hýðið dettur nær fyrirhafnarlaust af þeim.