Bandarískur vinnumarkaður fór betur af stað á árinu en reiknað var með. Þetta kemur fram í skýrslu Bureau of Labor Statistics sem var birt á föstudaginn. Reiknað hafði verið með að 163.000 ný störf myndu skapast að nýjum störfum í landbúnaði undanskildum.  En þegar upp var staðið urðu störfin 225.000.

Á síðasta ári urðu að meðaltali til 175.000 ný störf í hverjum mánuði og því byrjar 2020 mjög vel og ef áframhald verður á þessari jákvæðu þróun mun draga úr atvinnuleysi í landinu.

Skýrslan um stöðuna á vinnumarkaðnum er ein mikilvægasta skýrslan um stöðu bandaríska hagkerfisins hverju sinni en það er stærsta hagkerfi heimsins.

Nú hefur störfum fjölgað 112 mánuði í röð. En þrátt fyrir að niðurstöðurnar væru betri en vænst var hafði það ekki í för með sér að atvinnuleysi minnkaði því það jókst raunar úr 3,5% í 3,6%. Það er þó með því minnsta sem verið hefur síðan á sjöunda áratugnum. Ef þessi jákvæða þróun heldur áfram er reiknað með að atvinnuleysið verði komið niður í 3,25% í lok árs. Ef það gengur eftir verður það lægsta atvinnuleysi sem mælst hefur síðan á sjötta áratugnum.