The Telegraph skýrir frá þessu. Þetta eru gamlar reglur sem um ræðir en þær má rekja aftur til William IV konungs sem ríkti frá 1830 til 1837.
Frá apríl á síðasta ári til ársloka fékk Karl 868.000 pund á grunni þessara regla og frá áramótum til loka mars á þessu ári bættust 201.000 pund við. Þetta kemur fram í uppgjörum sem voru nýlega lögð fram.
Prinsinn er ekki á flæðiskeri staddur en hann hefur rúmlega 22 milljónir punda í árslaun í stöðu sinni sem ríkisarfi en auðvitað fylgja því ýmis útgjöld að vera ríkisarfi sem þarf að hafa tilheyrandi starfslið og umsvif.