Starfsmenn Chyulu Hills þjóðgarðsins í Kenía ráku upp stór augu nýlega þegar þeir rákust á sebraasna í fylgd með sebrameri utan þjóðgarðsins. Sebraasninn, sem er eins og nafnið gefur til kynna afkvæmi sebrahests og asna, er aðeins með rendur á fótleggjunum en þær eru ekki eins dökkar og rendurnar á móður hans.

Það er þekkt að sebrahestar og asnar geta eignast afkvæmi saman en það er ekki mjög algengt úti í náttúrunni.

Merin og sebraasninn voru tekin með inn í þjóðgarðinn en þar eru aðallega fílar og nashyrningar en einnig nokkrir sebrahestar.

Sérfræðingar dýragarðsins segja að sebraasninn eigi að geta lifað eðlilegu líf en hann muni ekki eignast afkvæmi því sebraasnar eru ófrjóir.