COVID-19 kórónuveiran smitast aðallega við samskipti fólks þegar örsmáir dropar berast manna á milli í loftinu. Þessir dropar koma með hósta, hnerra eða bara þegar fólk talar. Veiran berst svo inn í viðtakandann í gegnum slímhimnu í nefi, munn eða augu. En það er hægt að smitast af veirunni á fleiri vegu því hún getur lifað utan mannslíkamans í töluverða stund.

Niðurstöður nýrrar bandarískrar rannsókna sýna að veiran getur lifað í allt að þrjá sólarhringa á yfirborði úr ryðfríu stáli og plasti. Þetta þýðir að hún getur smitast af hurðarhúnum, krönum, plastflöskum og örmum á bekkjum. Meira að segja pizzakassar geta borið veiruna manna á milli ef smitaður einstaklingur hefur handleikið kassana. Rannsóknin sýndi að veiran getur lifað í allt að sólarhring á yfirborði pappa. Forskning.no skýrir frá þessu.

Kórónuveira smitast ekki í gegnum húð en ef fólk snertir yfirborð þar sem lifandi veira er og ber höndina síðan upp að nefi, munni eða augum, án þess að þvo hendurnar fyrst, á það á hættu að smitast af veirunni. Það er því ekki hægt að leggja næga áherslu á hversu mikilvægur góður handþvottur er.