Ofurfjárfestirinn Warren Buffet er ekki þekktur fyrir að gera mistök í fjárfestingum sínum en hins vegar virðast honum hafa orðið á mistök þegar hann keypti hlut í Kraft Heinz tómatsósuframleiðandanum. Þessi mistök hafa reynst honum dýr og hafa nú kostað hann sem svarar til um 140 milljarða íslenskra króna.

Fjárfestingafélag Buffet, Berkshire Hathaway, tapaði 1,1 milljarði dollara, sem svara til um 140 milljarða íslenskra króna, á einni viku vegna verðfalls á hlutabréfum í Kraft Heinz. Hlutabréfin lækkuðu mikið í verði þegar uppgjör félagsins var birt. Frá áramótum hefur verð hlutabréfa í fyrirtækinu lækkað um 40 prósent.

Buffet á 27 prósent hlutafjár í Kraft Heinz.