fbpx
Sunnudagur 31.maí 2020
Pressan

Óttast lyfjaskort vegna kórónaveirunnar – Kína er apótek heimsins

Kristján Kristjánsson
Þriðjudaginn 18. febrúar 2020 19:00

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Evrópskir heilbrigðisráðherrar vara við hættu á lyfjaskorti vegna kórónaveirunnar sem herjar á heimsbyggðina þessa dagana, þó aðallega Kína enn sem komið er. Ráðherrarnir funduðu í síðustu viku um ástandið. Þeir eru sammála um að nauðsynlegt sé að samhæfa vinnu við að útvega nauðsynleg lyf og hlífðarfatnað.

Óttast er að dregið geti úr lyfjaframleiðslu í Kína eða að Kínverjar fari að nota meira af lyfjunum innanland. Segja má að Kína sé að vissu leyti apótek heimsbyggðarinnar því stór hluti af þeim lyfjum, sem notuð eru í Evrópu, eiga rætur að rekja til Kína. Stór hluti af lyfjaframleiðslu á Vesturlöndum hefur verið fluttur til láglaunalanda á borð við Kína og Indlands. Kínverjar hafa kallað sjálfa sig „Apótek heimsins“ en stór hluti þeirra hráefna, sem notuð eru við lyfjaframleiðslu á Indlandi, koma frá Kína.

Agnes Buzyn, heilbrigðisráðherra Frakklands, hvetur Evrópuríki til að vinna saman að innkaupum á lyfum og öðru tengdu heilbrigðiskerfinu. Í fréttatilkynningu frá frönskum heilbrigðisyfirvöldum segir að 80% af þeim efnum, sem eru notuð í evrópsk lyf, séu framleidd utan Evrópu, aðallega í Asíu. Það sé mikilvægt fyrir lýðheilsu að tryggja lyfjaframleiðslu í Frakklandi og Evrópu.

Þýsk heilbrigðisyfirvöld hafa einnig áhyggjur af stöðu mála en Þjóðverjar eru mjög háðir innkaupum á hráefnum frá Kína. Enn sem komið er hafa engin vandamál komið upp en samkvæmt frétt Der Spiegel telja sérfræðingar hugsanlegt að fljótlega geti orðið erfitt að fá nauðsynleg efni frá Kína.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Sá allt – Jordan hafði í hótunum við hann

Sá allt – Jordan hafði í hótunum við hann
Pressan
Fyrir 2 dögum

Einn frægasti krókódíll heims er dauður

Einn frægasti krókódíll heims er dauður
Pressan
Fyrir 3 dögum

Kórónuveirufaraldurinn á undanhaldi í Bandaríkjunum – Birtist nú á undarlegustu stöðum

Kórónuveirufaraldurinn á undanhaldi í Bandaríkjunum – Birtist nú á undarlegustu stöðum
Pressan
Fyrir 3 dögum

Ótrúleg samsæriskenning – Segir CIA hafa samið ofursmell

Ótrúleg samsæriskenning – Segir CIA hafa samið ofursmell
Fyrir 4 dögum

Gaman að veiða á Vatnasvæði Lýsu

Gaman að veiða á Vatnasvæði Lýsu
Pressan
Fyrir 4 dögum

Lufthansa fær 9 milljarða evra frá þýska ríkinu

Lufthansa fær 9 milljarða evra frá þýska ríkinu
Pressan
Fyrir 4 dögum

Hálf milljón breskra barna sveltur

Hálf milljón breskra barna sveltur
Pressan
Fyrir 4 dögum

Vara við árásargjörnum og svöngum rottum

Vara við árásargjörnum og svöngum rottum