Í tæplega sex áratugi hefur Bob Vollmer starfað sem landmælingamaður hjá Indiana Department of Natural Resources. En nú telur hann að tími sé kominn til að setjast í helgan stein og fer á eftirlaun í næsta mánuði 102 ára að aldri! Það þarf varla að taka fram að hann er elsti starfsmaður ríkisins.

NBC skýrir frá þessu. Bob barðist í síðari heimsstyrjöldinni. Að henni lokinni fór hann í Purdeu háskólann og lauk námi 1952 sem líftæknir. Hann var ráðinn til ríkisins 1962 og hefur starfað þar síðan við gagnaöflun og við að teikna upp landamerki á jörðum í ríkiseigu. En nú segir Bob að líkaminn sé farinn að þreytast og því kominn tími til að fara á eftirlaun.

„Ég held að líkaminn segi okkur þegar það er kominn tími til að stoppa. Læknarnir segja mér að ein af ástæðunum fyrir að ég er enn að vinna sé að ég er með góð lungu.“

Segir Bob ætlar að vinna sinn síðasta dag þann 6. febrúar næstkomandi. Hann hefur í hyggju að lesa mikið þegar hann er farinn á eftirlaun og sinna rekstrinum á bóndabýli sínu.