Stjórnendur kaþólska St. Edward skólans í Nashville í Tennessee í Bandaríkjunum hafa fjarlægt allar bækur um Harry Potter af bókasafni skólans. Það var gert eftir að prestur skólans komst að þeirri niðurstöðu að bækurnar gætu vakið upp illa anda.

Í frétt The Tennessean um málið kemur fram að í tölvupósti frá prestinum komi fram að hann hafi ráðfært sig við særingamenn í Bandaríkjunum og Róm og hafi þeir mælt með að bækurnar yrðu fjarlægðar.

„Galdrar og álög, sem eru notuð í bókunum, eru alvöru galdrar og álög. Þegar fólk les þetta er hætta á að það veki upp illa anda.“