Miðvikudaginn 4. september síðastliðinn var hinn reynslumikli slökkviliðs- og sjúkraflutningamaður Pedro Cruz á vakt hjá slökkviliðinu í Taos sýslu í Nýju-Mexíkó í Bandaríkjunum. Síðan kom tilkynning um umferðarslys, tveir bílar höfðu lent í árekstri.

Þegar Cruz kom á vettvang upplifði hann martröð allra þeirra sem sinna bráða- og neyðarþjónustu. Náinn ættingi hafði lent í slysinu, 16 ára dóttir hans Maria Elena Cruz. Hún lést í slysinu ásamt hinni þekktu kántrýsöngkonu Kylie Rae Harris.

Lögreglan segir að rannsókn hennar hafi leitt í ljós að Harris hafi ekið á bíl, sem var ekið á undan henni, á miklum hraða og hafi bíll hennar þá farið að rása á veginum. Hún missti að lokum stjórn á honum og fór bíllinn yfir á öfugan vegarhelming og lenti framan á bílnum sem Maria Elena Cruz var í.