Bandaríski flugvélaframleiðandinn Boeing hefur átt á brattann að sækja að undanförnu vegna vandræðanna með Max-737 vélarnar sem hafa verið kyrrsettar mánuðum saman. Nú bætist enn við vandræðin því fyrirtækið hefur neyðst til að hætta prófunum á nýrri tegund, 777x breiðþotu, eftir að hurð sprakk við prófun.

The Guardian skýrir frá þessu. Haft er eftir talsmanni Boeing að tilraunum hafi verið hætt eftir að hurðin sprakk við álagsprófun.

Seattle Times segir að sprengingin hafi orðið í flugvél sem er sérhönnuð til prófana á jörðu niðri. Þetta var síðasta prófunin áður flugmálayfirvöld áttu að samþykkja vélina til notkunar.

Nýja 777 vélin á vera „stærsta og hagkvæmasta þota heims með tvo hreyfla“ segir á heimasíðu Boeing.