Hópur fíkniefnasala lenti í miklu hremmingum nýlega þegar villisvín gerðu fyrirætlanir þeirra að engu. Þeir höfðu falið lager af kókaíni úti í skógi í Toscana á Ítalíu. En villisvín eru þefnæm og virðast hafa runnið á lyktina af kókaíninu og grófu það upp og dreifðu því síðan um næsta nágrenni. Svo góð var dreifingin að fíkniefnasalarnir gátu ekki safnað því saman. Kókaínið var að verðmæti 20.000 evra.

The Guardian skýrir frá þessu. Lögreglan komst á snoðir um málið þegar hún hleraði símtal tveggja hinna meintu fíkniefnasala. Í samtalinu kvörtuðu þeir og kveinuðu yfir villisvínunum í Valdichianadalnum sem höfðu eyðilagt kókaínlager þeirra.

Símtalið varð til þess að lögreglan gaf haft upp á og handtekið þrjá Albana og tvo Ítali. Tveir þeirra voru úrskurðaðir í gæsluvarðhald en hinir þrír í stofufangelsi.

Talið er að mennirnir hafi náð að selja um tvö kíló af kókaíni áður en þeir voru handteknir. Helstu sölustaðir þeirra voru barir og næturklúbba nærri Arezzo, Siena og Perugia.

Sjónir lögreglunnar beindust að hópnum þegar 21 árs karlmaður var myrtur í maí en hann er einnig talinn hafa selt fíkniefni.

Engum sögum fer af hvaða áhrif kókaínið hafði á villisvíninn.