Margar myndir eru teknar af henni við hlið eiginmannsins, Donald Trump, en á þeim er augnaráð hennar yfirleitt fjarrænt og ískalt. Í nýrri bók eftir Kate Bennett um Melanie, „Free Melania“, kemur fram skýring frá Melaniu sjálfri.
„Ég geri mér ekkert upp. Ég er ekki sú manngerð sem brosir eða þykist brosa bara af því að það er myndavél nálægt.“
Í bókinni skyggnist Bennett bakvið yfirborð Melaniu. í starfi sínu sem fréttamaður hjá CNN fylgdist hún árum saman með Trump og forsetaframboði hans. Hún ferðaðist með forsetahjónunum og ræddi mikið við forsetann og Melaniu. Þegar hún vann að bókinni fór hún meðal annars til Sevnica í Slóveníu, sem er heimabær Melaniu. Þar fann hún ástæðuna fyrir svolítið „frosinni“ framkomu Melaniu.
„Melania ólst upp þegar kommúnistar voru við völd. Í fyrrum Júgóslavíu og núverandi Slóveníu græddi fólk ekkert á því að brosa að ástæðulausu. Þetta er mjög hreint samfélag þar sem yfirvöld hvetja fólk til að bera virðingu fyrir öllu, vera auðmjúkt og beygja höfuðið.“
Skrifar Bennett.
