Miðvikudagur 20.nóvember 2019
Pressan

Vantar þig hús? Hér er hægt að fá ókeypis hús

Kristján Kristjánsson
Fimmtudaginn 7. nóvember 2019 06:00

Etna á Sikiley gæti glatt augu nýrra húseigenda. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Í þrjú ár hafa bæjaryfirvöld í bænum Cammarata á Sikiley reynt að fá fólk til að flytja til bæjarins. Fleiri bæir á Sikiley og í suðurhluta Ítalíu hafa einnig háð þessa sömu baráttu, árangurinn er að sögn misjafn. Nú stíga yfirvöld í Cammarata enn eitt skrefið til að lokka fólk til bæjarins og bjóða fólki nú ókeypis hús ef það flytur í bæinn.

CNN skýrir frá þessu. Um 6.000 manns búa í bænum. Vincenzo Giambrone, bæjarstjóri, er í fararbroddi í baráttunni fyrir að bærinn leggist ekki í eyði. Á síðustu árum hefur hann reynt að sannfæra brottflutta húseigendur í bænum um að gefa húsin til nýrra íbúa.

Hann hefur nú fengið 12 hús sem hann má gefa nýjum íbúum og segir að fleiri bætist við innan tíðar. Rúmlega 100 yfirgefin hús eru í bænum og vonast bæjarstjórinn til að fólk fáist til að flytja í þau.

En það fylgja því ákveðin skilyrði að fá ókeypis hús. Nýju eigendurnir verða að lagfæra húsin og koma þeim í gott stand og þeir verða að leggja fram 5.000 evrur í tryggingu fyrir að þeir geri það. Sú upphæð verður endurgreidd þegar endurbótum er lokið en þær verða að eiga sér stað innan þriggja ára.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Bestu háskólar heims slást um níu ára dreng – Vilja að hann taki doktorsgráðu hjá þeim

Bestu háskólar heims slást um níu ára dreng – Vilja að hann taki doktorsgráðu hjá þeim
Pressan
Í gær

1.600 skammbyssur norska hersins eru týndar

1.600 skammbyssur norska hersins eru týndar
Pressan
Fyrir 4 dögum

Forfeður okkar gengu uppréttir miklu fyrr en áður var talið

Forfeður okkar gengu uppréttir miklu fyrr en áður var talið
Pressan
Fyrir 4 dögum

Hræðileg framtíðarsýn – Afleiðingarnar verða skelfilegar

Hræðileg framtíðarsýn – Afleiðingarnar verða skelfilegar