Þegar Sierra varð aftur barnshafandi gladdist hún að vonum mikið og sérstaklega til að geta nú haft barn á brjósti. Fæðingardagurinn var settur þann 13. nóvember en í september fengu hjónin skelfilega fréttir hjá lækninum sínum. Ófæddur sonur þeirra var með sjaldgæfan erfðagalla, Edwards heilkennið, sem veldur lífshættulegum fæðingargöllum og dregur börn oft til dauða. Þeim var sagt að miklar líkur væru á að drengurinn myndi andast í móðurkviði. Þau ákváðu þau að Sierra færi í bráðakeisaraskurð til að þau gætu séð drenginn á lífi.
Samuel Lee var tekinn með keisaraskurði tveimur mánuðum fyrir tímann. Hann lifði í þrjár klukkustundir áður en hann lést í örmum móður sinnar.
TODAY Parents skýrir frá þessu.
Á þessum þremur klukkustundum tók Sierra ákvörðun um að hún ætlaði að mjólka sig fram að settum fæðingardegi Samuel. Mjólkina ætlaði hún að gefa öðrum börnum sem gátu ekki verið á brjósti af einhverjum ástæðum. Porter hafði einmitt fengið brjóstamjólk frá öðrum mæðrum á sínum tíma.
„Ég gat ekki bjargað lífi Samuel en kannski gat ég bjargað lífi annars barns.“
Skrifaði hún á Facebook þann 13. nóvember, daginn sem Samuel átti að koma í heiminn.
„Að mjólka sig er ekki fyrir veikburða konur. Það er erfitt. Andlega og líkamlega. Það er enn erfiðara þegar ekkert barn er til staðar.“
Skrifaði hún einnig.
Hún náði að framleiða 14 lítra af mjólk á þeim 63 dögum sem liðu á milli fæðingar Samuel og dagsins sem hann átti í raun að fæðast á.