Harðar deilur standa nú yfir á milli fylkja í norður- og suðurhluta Þýskalands. Fyrst voru viðræður um sameiginlegt þýskt stúdentspróf út um þúfur og allt stefnir í að samningaviðræður um skiptingu sumarleyfisvikna á milli fylkjanna fari einnig út um þúfur.

Shz.de skýrir frá þessu. Samningaviðræður hófust í október en nú hóta yfirvöld í Hamborg að hætta þátttöku í þeim. Samningar um skiptingu sumarleyfa skipta miklu máli til að hægt sé að dreifa álaginu á vegi landsins. Ef samningar nást ekki og almenn sumarleyfi verða á sama tíma í öllu landinu er hætt við að algjört öngþveiti verið á hraðbrautum landsins.

Það gerist þó ekki alveg strax því núverandi samningur rennur ekki út fyrr en 2024. Það þarf því ekki að rjúka til og breyta sumarleyfisfyrirætlunum næsta árs.