Það er ekki nóg með að myntin sé gömul því hún er einnig gríðarlega sjaldgæf. Aðeins 20 eintöku voru slegin á sínum tíma og telur Smithsonian stofnunin að aðeins 11 séu enn til. Hjá uppboðshúsinu telja menn hugsanlegt að aðeins séu til 9 eintök.
Myntin er nefnd „the Cox Speciemen“ en hún skipti síðast um eigendur á níunda áratug síðustu aldar. Hún var slegin af New Orleans myntsláttunni sem var sett á laggirnar 1838 til að slá gull og silfur myntir. Myntir, sem eru slegnar þar, eru stimplaðar með bókstafnum „O“ til að aðgreina þær frá öðrum myntsláttum.
Á þessum tíma var mikið af silfurmynt flutt inn frá öðrum ríkjum, til dæmis Mexíkó, en þær voru misjafnar að gæðum. Þær voru því bræddar og úr þeim slegnar hálfs dollars myntir sem „hentuðu fyrir banka og viðskipti“.
Fyrrnefndar 20 myntir voru hugsanlega slegnar þegar verið var að prófa nýja stóra pressu hjá myntsláttunni eða þá voru þær slegnar sem einhverskonar kynningarmyntir.
Eins og gefur að skilja ásælast margir safnarar þau fáu eintök sem eru til af myntinni enda erfitt að fá þær í safnið.
