Morðið á Valerie vakti mikla athygli á sínum tíma og var nefnt „Midsomer Murder“ því það var framið á sama stað og morð í einum þætti af sakamálaþáttunum vinsælu um Barnaby sem Ríkissjónvarpið hefur sýnt um árabil en þeir heita Midsomer Murder á ensku.
Við rannsókn málsins fann lögreglan morðvopnið, hamar, 550 metra frá heimili Valerie. 9.500 manns voru yfirheyrðir og rúmlega 3.000 dna-sýni voru tekin en allt án árangurs.
Claudia, sem býr í Rúmeníu, vissi að eiginmaður hennar hafði unnið nærri heimili Valerie. Þegar hún kíkti í farsíma hans á síðasta ári sá hún að hann hafði gúglað „morð í Bosham“ og „hamar“. Í símanum var einnig mynd af hamrinum sem Valerie var myrt með. Hún sendi nokkra tölvupósta til lögreglunnar í West Sussex en fékk ekkert svar. Eiginmaður hennar, Christian Sabou, fór margoft frá Rúmeníu til Englands til að vinna án þess að lögreglan hefði afskipti af honum.
Það var ekki fyrr en níu mánuðum eftir að Claudia lét lögregluna vita að Christian var handtekinn heima hjá sér. Áður hafði lögreglan komið heim til hans og tekið lífsýni til DNA-rannsóknar úr honum.
Áður hafði Claudia borði þetta upp á hann og sagt honum að hún ætlaði að slíta sambandi þeirra. Hann bað hana um að segja ekki eitt orð og hótaði henni lífláti ef hún myndi segja frá.
Claudia fær 10.000 pund fyrir að hafa leyst málið.
Christian var dæmdur í lífstíðarfangelsi fyrir morðið.
