Það er auðvitað ekki gott þegar fólk er með sykursýki. Það var ekki fyrr en á fjórða degi að hann komst að þessu með drykkina. Hann hafði keypt sér ferð þar sem allt var innifalið, þar á meðal matur og drykkur. Starfsfólkið á hótelinu hafði alltaf haldið því fram að maðurinn fengi sykurlausa drykki en svo var ekki. Hann komst að því í samræðum við barþjón að ekki væri hægt að fá sykurlausa drykki á hótelinu.
Maðurinn kvartaði fyrir ferðaskrifstofuna Mixx Travel sem hann keypti ferðina hjá. Hann krafðist þess að fá allan ferðakostnað endurgreiddan sem og sem svarar til um 190.000 íslenskra króna í bætur fyrir frídagana sem hann notaði í Tyrklandsferðina. Ferðaskrifstofan vildi ekki verða við þessu og því sendi maðurinn málið til úrskurðarnefndar um pakkaferðir.
Mixx Travel svaraði ekki fyrirspurnum úrskurðarnefndarinnar sem kvað því upp úrskurð án þess að fá að heyra skýringar ferðaskrifstofunnar. Samkvæmt úrskurðinum á maðurinn að fá sem svarar til tæplega 10.000 íslenskra króna í bætur frá ferðaskrifstofunni vegna málsins.