Yfirvöld í Kaliforníu hafa ákveðið að breyta mætingatíma eldri barna og unglinga í skóla og seinka honum. Framvegis munu nemendur á gagnfræðaskólastigi og í menntaskólum ekki mæta í skóla fyrr en klukkan 8 eða 8.30.

CNN skýrir frá þessu. Fram kemur að Gavin Newsom, ríkisstjóri, hafi skrifað undir ný lög sem kveða á um að 11 til 13 ára börn megi ekki mæta í skóla fyrr en í fyrsta lagi klukkan 8 frá árinu 2022. Menntaskólanemendur mega ekki mæta fyrr en 8.30. Þó verður heimilt að hafa bekki áfram þar sem kennsla hefst fyrr.

Lögin hafa verið lengi í undirbúningi og ýmis gögn hafa verið lögð fram í meðferð þeirra á þingi ríkisins.