fbpx
Mánudagur 16.september 2019  |
Pressan

Ráðgátan í Himalajafjöllum: Fjöldi mannabeina fundust í afskekktu vatni

Ritstjórn Pressunnar
Sunnudaginn 25. ágúst 2019 18:00

Ekki missa af Helstu tíðindum dagsins í pósthólfið þitt

Lesa nánar

Roopkund-vatn í þeim hluta Himalajafjalla sem tilheyrir Indlandi lætur ekki mikið yfir sér. Það er rúmir 40 metrar í þvermál og er í rúmlega fimm þúsund metra hæð yfir sjávarmáli. Vegna legu sinnar er það frosið stóran hluta ársins og því kom það vísindamönnum í opna skjöldu þegar hundruð mannabeina fundust þar.

Breska blaðið Independent fjallar um þetta.

Mörg ár eru síðan þetta uppgötvaðist en vísindamenn virðast engu nær um hvernig mannabeinin rötuðu í vatnið. Þegar hlýnar í veðri og vatnið þiðnar koma mannabeinin í ljós. Mörg þeirra eru í furðulega góðu ásigkomulagi sem skýrist meðal annars af köldu veðurfari á þessum slóðum.

Vísindamenn voru lengi vel sammála um að eitthvað hefði átt sér stað sem líkja mætti við „stórslys“. Bentu fyrstu niðurstöður rannsókna vísindamanna til þess að beinin væru um 1.200 ára gömul.
Var kenningin sú að einstaklingarnir hefðu látist á sama tíma og líklega af sömu ástæðu.

Nú hefur ný rannsókn sem vísindamenn frá Indlandi, Bandaríkjunum og Þýskalandi framkvæmdu kollvarpað þeirri kenningu. Gerð var DNA-rannsókn á 38 beinum sem leiddi í ljós að fólkið dó ekki á sama tíma. Benda niðurstöðurnar til þess að líkamsleifum fólks hafi verið fleygt í vatnið yfir um þúsund ára tímabil.

23 beinanna sem rannsökuð voru tilheyrðu karlmönnum en 15 tilheyrðu konum. DNA-rannsóknin leiddi í ljós að 23 beinanna voru af einstaklingum frá Suður-Asíu  en þau bein voru einnig elst, eða frá áttundu til tíundu öld. Löngu síðar, frá átjándu og fram á tuttugustu öld, virðast fleiri bein hafa ratað í vatnið en þá af einstaklingum frá Austur-Asíu og ríkjum sem liggja að Miðjarðarhafinu.

Sem fyrr segir virðist enginn vita hvernig beinin rötuðu í vatnið. Vatnið er skammt frá gamalli pílagrímaleið sem Hindúar fóru og því ekki útilokað að þátttakendur hafi hreinlega látist á leiðinni. Það skýrir þó ekki hvernig bein annarra einstaklinga, til dæmis þeirra sem eiga ættir að rekja til ríkja við Miðjarðarhafið, rötuðu þangað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Hollendingar í veseni vegna Area 51

Hollendingar í veseni vegna Area 51
Pressan
Fyrir 2 dögum

Sturluð samsæriskenning um kápu Melaniu Trump

Sturluð samsæriskenning um kápu Melaniu Trump
Pressan
Fyrir 3 dögum

Keypti iPhone fyrir dóttur sína á netinu – Kassinn innihélt eitthvað allt annað en iPhone

Keypti iPhone fyrir dóttur sína á netinu – Kassinn innihélt eitthvað allt annað en iPhone
Pressan
Fyrir 3 dögum

Tvö börn létust af völdum E.coli

Tvö börn létust af völdum E.coli