Öflugt haglél drap nýlega stóran hluta af fuglastofnunum sem halda til við Big Lake í Montana í Bandaríkjunum. Öflugt óveður gerði við vatnið og risahaglél, rúmlega 5 sm í ummál, fóru illa með fuglana á þessu vinsæla varpsvæði.

Þjóðgarðayfirvöld í Montana segja að 11.000 til 13.000 fuglar hafi drepist eða slasast alvarlega í óveðrinu. Justin Paugh, líffræðingur hjá þjóðgarðayfirvöldunum, telur að 20 til 30 prósent af stofnum sjófugla hafi drepist.

Fuglshræin liggja nú á víð og dreif um svæðið og óttast er að sjúkdómar geti brotist úr þegar dýr éta hræ þeirra og þannig gert fuglastofnunum enn meiri skráveifu.