Þegar Neese skilaði sér ekki heim um kvöldið sögðu Shoaf og Eddy að þær hefðu verið á rúntinum með henni en hefðu sett hana út nærri heimili hennar. Lögreglan hóf umfangsmikla leit en hún skilaði engum árangri.
En hálfu ári síðar, í janúar 2013, komst loks skriður á málið. Lögregluna hafði lengi grunað að Shoaf og Eddy vissu meira um málið en þær vildu láta uppi.
„Við spurðum Rachel: „Af hverju drápuð þið Skylar?“ Svar hennar var: „Okkur líkaði bara ekki við hana.““
Sagði lögreglumaðurinn Ronnie Gaskin í samtali við ABC News. Sjónvarpsstöðin sýndi nýlega heimildamynd um þennan skelfilega atburð. Þar kom fram að margar Twitterfærslur voru skrifaðar af Neese skömmu áður en hún var myrt og af vinkonum hennar eftir morðið.
Shoaf játaði morðið en Eddy þvertók fyrir að vita nokkuð um það og á Facebook og Twitter hélt hún bara uppteknum hætti og skrifaði um hversdagslega hluti. Þegar lögreglan tilkynnti þann 13. mars 2013 að lík Neese hefði fundist skrifaði Eddy á Twitter:
„Hvíldu í friði Skylar. Þú verður alltaf besta vinkona mín. Þetta er versti dagur lífs míns.“
Með færslunni birti hún mynd af sér og Neese.
Þegar Shoaf játaði morðið sagði hún að hún og Eddy hefðu skipulagt það í náttúrufræðitíma. Áætlunin var að taka Neese með í bíltúr og aka til afskekts svæðis til að reykja maríjúana. Síðan var ætlunin að telja upp að þremur og stinga Neese til bana.
„Við gerðum þetta í raun á þremur.“
Tísti Eddy um tveimur vikur eftir að lík Neese fannst.
Hún var ekki handtekin fyrr en 1. maí, tæpum tíu mánuðum eftir morðið.
Shoaf og Eddy voru báðar sakfelldar fyrir morðið. Eddy var dæmd í lífstíðarfangelsi en Shoaf í 30 ára fangelsi.
