Kona fannst látin ásamt þremur særðum börnum á heimili þeirra, snemma laugardagsmorgun í Cleveland-fylki, Bandaríkjunum. Frá þessu er greint í frétt CNN

Jaylen Latrell Plummer, 18 ára er grunaður um að hafa myrt Diane Madison, 62 ára ásamt því að hafa farið inn í barnaherbergi til að stinga börnin sem voru á aldrinum 10-12 ára.

Diane Madison var móðir raðmorðingjans Michael Madison sem var dæmdur til dauða árið 2016, fyrir að drepa þrjár konur. Áður en hann var handtekinn hafði hann falið sig inni í þessu sama húsi.

Diane Madison var úrskurðuð látin á vettvangi en tveimur börnunum tókst að flýja yfir til nágranna, en þar hringdu þau á lögreglu. Þriðja barnið faldi sig hins vegar í húsinu, þar sem ósköpin áttu sér stað. Öll börnin fóru á spítala

Lögreglan segist svo hafa handtekið Plummer, en hann var inni á baðherbergi heimilisins. Plummer fór einnig á spítala, en ekki er vitað hvers vegna hann framdi glæpinn.