Samþykkt var á miklum hitafundi Veiðifélags Árnesinga í gærkvöldi að aðeins yrði veitt á stöng á svæði félagsins sumarið 2019. Tillaga þess efnis var samþykkt með 88 atkvæðum gegn 66. Lax verður því ekki veiddur í net í Ölfusá og Hvítá sumarið 2019 að því fram kemur í Flugufréttum.

Fram kemur að netabændur eru ekki ánægðir með þessa samþykkt og ætli sér að kæra ákvörðunina og leita sér réttar fyrir dómstólum.

Drífa Kristjáns­dótt­ir á Torfa­stöðum bar upp til­lög­una en hún er formaður Tungufljóts­deild­ar fé­lags­ins. Í sam­tali við Flugu­frétt­ir sagði Drífa að til­lag­an hefði ekki verið til­kynnt fund­ar­mönn­um fyr­ir fund­inn.

„Það hef­ur ekki verið hefð fyr­ir því að stjórn fé­lags­ins til­kynni sín­ar til­lög­ur fyr­ir fram og því sáum við enga ástæðu til þess að gera það.“