Ofurfyrirsætan Chrissy Teigen mætti nýverið til spjallþáttakóngsins Jimmy Fallon þar sem hún talaði meðal annars um þá reynslu að mæta í vefþáttaröðina Hot Ones. Hot Ones snýst um það að kynnirinn Sean Evans tekur viðtal við frægt folk um leið og það borðar afar bragðsterka kjúklingavængi.
„Þetta var slæmt. Sjöundi vængurinn náði mér alveg. Sá sjöundi verður að vera í lokin, sama hvað hann er,“ segir Chrissy.
Chrissy er mikil keppnismanneskja og var staðráðin í því að standa sig vel í Hot Ones. Því ákvað hún að sleikja vængina.
„Mér fannst ég þurfa að vera hörð því fólk hefur náð því að klára alla vængina,“ segir Chrissy. Það voru hins vegar mistök.
„Ég þurfti að fara á spítala og tungan mín var óvarin, sögðu læknarnir. Ég veit ekki nákvæmlega hvað það þýðir en hún var blóðug og húðin brunnin af. Ég var með bakflæði í langan tíma eftir það.“
Hér fyrir neðan má sjá frammistöðu Chrissy í Hot Ones:
