Á vefnum Taste of Home er að finna ágæta samantekt á því hvað gerist í líkamanum þegar þú borðar eitt avókadó á dag, en ávöxturinn er talinn mjög hollur.

Betra kólestóról

Vissulega er avókadó hitaeininga- og fituríkur matur, en fitan sem finnst í ávextinum er holl. Þessi góða fita hefur frábær áhrif á kólestórólið og hækkar magn þess góða en lækkar það slæma.

Meltingin kemst í lag

Í hálfum avókadó eru rétt tæplega fimm grömm af trefjum. Því getur dagleg neysla ávaxtarins spornað gegn harðlífi og tryggt heilbrigða þarmaflóru. Þá er mikil fylling í trefjaríkum mat eins og avókadó og því um að gera að bæta ávextinum inn í mataræðið.

Varnir gegn sýkingum

Í avókadó er mikið af B-vítamíni, sem hjálpar líkamanum að verjast sýkingum og sjúkdómum. Þá er einnig nóg af C- og E-vítamíni í ávextinum ásamt öðrum, náttúrulegum efnum sem eru góð í baráttunni gegn krabbamein.

Sofðu vært

Magnesíum er einnig að finna í avókadó, og það í miklu magni. Magnesíum minnkar streitu og bætir svefn.

Náttúrulegur ljómi

Holla fitan sér einnig til þess að húðin ljómar, sem og hárið.