Þeir sem hreyfa sig mikið, hvort sem það er innandyra í líkamsræktarsölum eða úti í náttúrunni, vita að eftir langan dag með tilheyrandi svita geta íþróttaskórnir orðið ansi illa lyktandi.

Það er ekki gott að henda íþróttaskóm of oft í þvottavélina því þá geta þeir misst form sitt, sem þýðir að notandinn þarf fyrr að fjárfesta í nýjum skóm sem eru langt frá því að vera ókeypis.

Nokkrir tepokar geta komið sterkir inn hér og er mjög einfalt að losa íþróttaskó við vonda lykt með tei. Settu einfaldlega fjóra tepoka í skóna, tvo í hvorn skóinn og komdu skónum fyrir undir ofni, til dæmis í stofu eða eldhúsi. Láttu skóna standa undir ofninum yfir nótt og viti menn – lyktin hverfur. Te er nefnilega náttúrulegur svitalyktareyðir.