Fyrsta Nocco bragðtegundin kemur aftur í takmörkuðu magni og eingöngu seld í vefverslun Nocco shop.nocco.is
Peran var fyrsta Nocco bragðtegundin sem kom til Íslands árið 2015 og náði strax gríðarlegum vinsældum. Þrátt fyrir þessar vinsældir þurfti bragðtegundin að víkja árið 2019 við lítinn fögnuð. Dyggir Nocco Peru aðdáendur stofnuðu hóp á Facebook undir nafninu „Hvenær kemur peru Nocco aftur?“ til að þrýsta á að fá drykkinn aftur til landsins. Hópurinn telur núna tæplega 700 aðila.
„Við höfum fengið fjölmargar fyrirspurnir um Peru Nocco og það opnaðist möguleiki fyrir okkur núna að ná smá pöntun hingað til Íslands. Þar sem um takmarkað magn er að ræða ákváðum við að þjónusta allt landið í gegnum vefverslun þar sem hægt er að fá góðan kaupauka með Peru Nocco,“ sagði Arnar Freyr Ársælsson markaðsstjóri Core heildverslunar.
Áhugasömum er bent á að um takmarkað magn er að ræða sem verður eingöngu í sölu í stuttan tíma. Nældu þér í Peru Nocco á shop.nocco.is.