Margt smátt sérhæfir sig í auglýsinga- og gjafavörum fyrir fyrirtæki og félagasamtök. Vægi umhverfisvænna lausna í vöruframboði fyrirtækisins hefur vaxið mikið undanfarin ár og býður Margt smátt nú upp á mikið úrval gæða umhverfisvænna vara „Við tökum starf okkar alvarlega og gerum okkur grein fyrir mikilvægi þjónustu okkar og kappkostum við að fullnægja þörfum viðskiptavina okkar eftir fremsta megni. Markmið okkar hefur alltaf verið að vera leiðandi fyrirtæki á íslenskum markaði í sölu á auglýsinga- og gjafavörum. Í 30 ára sögu fyrirtækisins hefur aldrei verið kvikað frá þessu markmiði.
Einkunnarorð okkar er heiðarleiki og við leggjum mikla áherslu á persónulega þjónustu, gæði, hagstætt verð og stuttan afgreiðslutíma. Við erum afar vel tækjum búin til að merkja auglýsinga- og gjafavörur hér heima. Einnig erum við í góðu samstarfi við framleiðendur um víða veröld sem geta sérframleitt og merkt vörur fyrir viðskiptavini okkar allt eftir þeirra óskum og þörfum,“ segir Árni Esra Einarsson markaðsstjóri Margt smátt.
Umhverfisstefna Margt smátt
Fyrirtæki leitast sífellt í meira mæli eftir því að kaupa vandaðri auglýsingavörur sem eru betri fyrir umhverfið. „Það er afar jákvætt að fólk spáir meira í notagildi og líftíma vörunnar. Margt smátt býður uppá gott úrval af umhverfisvænum vörum þar sem megináhersla er lögð á að framleiðsla þeirra hafi sem minnst áhrif á umhverfið.
Umhverfisvænar auglýsingavörur má flokka nokkurn veginn í tvo hópa. Annars vegar er um að ræða veglegar vörur sem eru eigulegar, fjölnota, nytsamlegar og hafa langan líftíma. Hins vegar er um vörur sem vegna eðlis síns, hafa styttri líftíma, eins og kúlupennar úr pappa, umhverfisvænir einnota bollar og fleira. Vörurnar gegna hlutverki sínu í stuttan tíma og ólíkt plasti brotna þær hratt niður í náttúrunni ef þær lenda þar. Allar þessar vörur eru framleiddar úr náttúrulegum efnum eða úr efnum sem hægt er að endurnýta.“
Umhverfisvæn framleiðsla
Margt smátt er mjög framanlega þegar kemur að notkun véla sem allar eru eru allar drifnar áfram með rafmagni og lofti og menga því ekki. „Við erum eingöngu með prentliti frá viðurkenndum birgjum þar sem umhverfismál eru í fyrirrúmi. Öllum úrgangi (litum og spilliefnum) er safnað saman í þartilgerðan tank sem Efnamóttakan sækir til okkar og eyðir á faglegan og öruggan hátt.“
Nánari upplýsingar og vefverslun má nálgast á margtsmatt.is
Guðríðarstígur 6-8, 113 Reykjavík
Sími: 585-3500
Vefpóstur: office@margtsmatt.is
Fylgstu með á Facebook: Margt smátt