Indexmedica er ein stærsta og nútímalegasta tannmeðferðarstofa Póllands og hefur starfað sem einkastofa síðan 2006. Stofan býr yfir þrettán ára reynslu í heilsutúrisma og hefur verið með ISO 9001 vottun síðan árið 2008. Stofan var valin ein af fimm bestu tannlæknastofum Póllands af Global Clinic Rating.
Ferlið hjá Indexmedica er afar einfalt. „Viðskiptavinurinn bókar flugið og við sjáum um restina. Við bókum hótelgistingu, far frá flugvellinum á hótelið sem og tímapantanir hjá tannlæknum Indexmedica. Stofan er staðsett í hinni gullfallegu Kraká í Póllandi og geta viðskiptavinir notið ómetanlegra menningarverðmæta, skemmtilegra skoðunarferða og afar hagstæðs verðlags, allt á meðan þeir öðlast bros drauma sinna með hjálp hinna færu tannlækna Indexmedica,“ segir Jadwiga Szymeczko, framkvæmdastjóri Indexmedica.
14 ára starfsreynsla
„Meðalstarfsreynsla tannlækna Indexmedica er rúmlega fjórtán ár og fara þeir reglulega í endurmenntun og endurþjálfun til þess að geta veitt viðskiptavinum stofunnar bestu þjónustu sem völ er á.“ Tannmeðferðum fylgir í flestum tilfellum eins til fimm ára ábyrgð og í sumum tilfellum er ævilöng ábyrgð.
Snögg afgreiðsla á keramikkrónum
Indexmedica býður upp á afar breitt úrval af tannmeðferðum en þær vinsælustu meðal erlendra viðskiptavina tannmeðferðarstofunnar eru tannplantar, krónur, brýr, postulínsskeljar, fyllingar og tannhvíttun. „Að auki erum við útbúin stafrænum munnhols-skanna sem gerir okkur kleift að fullgera keramikkrónur á tveimur sólarhringum, en þessi snögga afgreiðsla hefur hentað erlendum gestum okkar einkar vel.“
Indexmedica tannmeðferðarstöðin býður upp á töluvert af þjónustu, viðskiptavinum að kostnaðarlausu
Frí gisting og ódýr fyrsta flokks tannlæknaþjónusta
Indexmedica er eigandi tveggja fjögurra stjarna hótela í miðbæ Kraká, INX Design Hotel og Metropolis Design Hotel, og geta viðskiptavinir þegið að gista þar í fimm nætur frítt fari kostnaður á meðferð upp fyrir 500 evrur. Um er að ræða sérstakt tilboð á gistinóttum út ágúst og verður sama tilboð í boði frá 15. október til 20. mars 2020. Þetta er afar freistandi tilboð sem er erfitt að hafna. „Gestir okkar eru hæstánægðir með að fá bæði ódýra tannlæknaþjónustu og fimm fríar gistinætur mitt í einni fallegustu borg Evrópu. Einnig endurgreiðum við flugmiða upp að 115 evrum ef meðferð sjúklings fer yfir 2.500 evrur. Tilboðið gildir einu sinni á hvern sjúkling.“
Fjöldi íslenskra gesta í hverri viku
Indexmedica fær fjölda gesta frá Íslandi í hverri viku og við vinnum með frábærum túlki sem aðstoðar þá Íslendinga sem tjá sig eingöngu á sínu móðurmáli í gegnum allt ferlið.
„Yfir 2.100 Íslendingar hafa líkað við Indexmedica á Facebook. Það er ekkert skrítið við það hvað Íslendingar eru ánægðir með þjónustuna frá Index Medica því þeir eru að spara allt að 70% á tannlæknakostnaði miðað við það verð sem er í boði á Íslandi. Við höfum einnig reynslu af samskiptum við Sjúkratryggingar Íslands og útbúum ókeypis fyrir sjúklinga okkar skjöl sem gera þeim kleift að fá endurgreiddan hluta kostnaðar við meðferð á stofunni okkar.“ Frá og með 16. september verður enn einfaldara að panta far til Kraká en þá verður boðið upp á beint flug frá Keflavík til Kraká Balice flugvallarins.
Nánari upplýsingar má nálgast á vefsíðunni indexmedica-island.com
Einnig má senda fyrirspurnir á íslensku office@indexmedica.eu eða hringja í síma +48 690 808 840 og fá upplýsingar á ensku.
Facebook: Indexmedica – Tannlæknaþjónusta í Kraków