Nortek er ört vaxandi fyrirtæki á Íslandi sem sérhæfir sig í öryggiskerfum sem henta bæði heimilum og fyrirtækjum. Það er dreifingaraðili Ajax-snjallöryggiskerfis, sem er eitt snjallasta og notendavænsta öryggiskerfið sem til er í dag og er margverðlaunað í Evrópu. Kerfin eru stillt með snjalltækjum notenda og auðvelt er að vakta kerfin með snjallsímaforriti og eða símhringingum.
Ekkert mánaðargjald
Sérstaða Ajax-öryggiskerfisins felst ekki aðeins í snjalltækninni, heldur því að viðskiptavinir kaupa kerfið og eiga það og greiða því ekkert mánaðargjald, það er því fljótt að borga sig upp. Notandinn setur kerfið upp sjálfur og hefur fulla yfirsýn yfir virkni þess. Viðkomandi er ekki háður viðbrögðum annarra aðila ef eitthvað kemur upp á í kerfinu. Eigandinn og þeir sem hann hefur veitt aðgang að kerfinu fá skilaboð í gegnum appið eða SMS og hann metur hvað hann gerir við þær upplýsingar. Þannig koma engar síðbúnar rukkanir vegna falskra útkalla umsjónaraðila.
Kisu er óhætt
Margir velta fyrir sér hvort gæludýr heimilisins eða ryksuguróbótinn muni sífellt vera að setja hreyfiskynjarana innandyra í gang. En Ajax-kerfið notar stafrænt reiknirit til að greina hreyfingu manna. Svo lengi sem gæludýrin og ryksugan eru minni en 50 sentimetrar og 20 kíló ættu þau ekki að setja Ajax-skynjara í gang.
Fyrirbyggjandi aðgerðir
Kerfið er vinsælt bæði fyrir fyrirtæki, íbúðarhús og sumarbústaði enda er öryggi í því að geta fylgst með húseignum þegar eigendur eru ekki á staðnum. Hreyfiskynjari úti getur numið óeðlilegar mannaferðir og látið eiganda vita samstundis. Þá fær hann skilaboð og getur athugað hvað sé á seyði í gegnum eftirlitsmyndavélarnar. Hægt er að velja um hvort hávær sírena fari í gang til að fæla viðkomandi á brott eða að eigandi hringi beint á lögreglu. Sú ákvörðun er algjörlega í höndum eigandans. Það er líka mögulegt að tengja kerfið þannig að ljós kvikni inni eða að útvarp fari í gang til að láta líta út eins og einhver sé staddur í húsinu. Á þennan hátt er ekki aðeins látið vita ef brotist hefur verið inn, heldur er oft hægt að koma í veg fyrir að innbrotið sé framið.
Allsherjar öryggi
Kerfið snýr ekki aðeins að hættu á innbrotum heldur annars konar öryggi eins og reykskynjurum og vatnsskynjurum. Þráðlaus reykskynjari með hitanema mælir stöðugt bæði hita og reyk í rýminu og lætur vita um leið og hitastig rýmisins rís hratt. Þráðlaus vatnsskynjari nemur fyrstu merki um leka á aðeins nokkrum millisekúndum. Hentar vel til að setja undir vaska og hjá þvottavélum. Í upphafi er keypt svokölluð grunneining sem hægt er að bæta við eins mörgum skynjurum og viðkomandi vill.
Hentar þetta mér?
Ajax-öryggiskerfin verða sífellt vinsælli hjá almenningi sem vill tryggja eignir sínar og öryggi heimilisins en hafa um leið fullkomna stjórn á sínu eigin kerfi. Á heimasíðu Nortek er hægt að kynna sér kerfin nánar, bæði tæknina, verð og fá hugmyndir um hversu margir skynjarar myndu henta þinni eign.
Nortek Eirhöfða 18, 110 Reykjavík og Hjalteyrargata 6, 600 Akureryri
Vefsíða: ajax.is