Hver elskar ekki að flatmaga á ströndinni, láta sólina sleikja sig og sötra góðan kokteil? Eða kíkja á heimsfrægar fornminjar? Kynnast framandi matarmenningu? Ganga um stræti sem eru eldri en landnám Íslands? Fara í bátsferðir, alvöru tívolí og vatnsrennibrautagarða? Og hver elskar ekki að geta verið í sandölum án þess að vera í sokkum? Finna hlýjan vindinn leika um hárið og ylvolgan sjóinn leika um tær sem hafa verið lokaðar inni í gönguskóm í allan vetur.
Ert þú búin/nn að plana sumarfríið?
Það er ekki seinna vænna að skoða úrvalið á áfangastöðum Heimsferða. „Sumarsalan hjá okkur hefur gengið framar öllum vonum. Það eru gjörsamlega allir sjúkir að komast út í sólina og hitann!“ segir Hafsteinn hjá Heimsferðum.
Tene 2. og 20. júní
„Það er nánast allt að verða uppselt hjá okkur í pakkaferðunum, en við eigum nokkrar dagsetningar eftir þar sem laust er í ferðir. Þá er hægt að skella sér á Tenerife á Spáni 2. júní eða 20. júní.
Tenerife, sem er stærst Kanaríeyjanna, býður frábærar aðstæður. Fallegar strendur, glæsilega gististaði, fjölbreytta afþreyingu og stórbrotna náttúru. Í boði er fjölbreytt úrval vinsælla gististaða á vinsælustu svæðunum á einstökum kjörum. Hingað sækja einstaklingar, pör og barnafjölskyldur til að njóta notalegs loftslags, strandlífsins, fjölbreyttrar afþreyingar og verslana að ógleymdum góða matnum sem í boði er. Pantaðu þér ferð til Tenerife hér.
Króatía og Ítalía 13. júní
Einnig er laust í ferðir til Króatíu og Ítalíu þann 13. júní.
Króatía er einn eftirsóttasti áfangastaður ferðamanna í Evrópu, enda er landið stórkostleg náttúruperla sem státar af fegurstu ströndum og tærasta sjó Evrópu, heillandi menningu og glæsilegum gististöðum. Menning Króatíu er heillandi blanda, sem Grikkir, Rómverjar, Slavar, Frakkar, Ítalir og Austurríkismenn hafa sett mark sitt á. Strandlengja Adríahafsins er sú fegursta í Evrópu með vogskornum ströndum, eyjum og skerjum þar sem aldagamlir bæir skaga út í hafið. Mannlífið í Króatíu er engu líkt og þeir sem þangað koma eru sammála um að þar sé að finna Evrópu eins og hún var og hét. Pantaðu þér ferð til Króatíu hér.
Ítalía er sívinsæll áfangastaður ferðamanna um allan heim og ekki að ástæðulausu. Fornminjar, listasöfn, menning, vínhéruð og matarmenning setja svip sinn á Ítalíu hvar sem þú kemur. Það er ómögulegt að fara ósnortinn frá henni Ítalíu.
Að auki eru eitt og eitt sæti laust í aðrar brottfarir í sumar. Einnig eru enn til sæti í pakkaferðir á flesta áfangastaði Heimsferða í agúst. Kíktu á Heimsferðir og sjáðu hvað er í boði! Það er ástæðulaust að halda sig heima í sumar! Pantaðu þér ferð til Bibione á Ítalíu, eins vinsælasta áfangastaðar við Adríahafið hér.
