Þær eru ófáar jólagjafahugmyndirnar sem maður fær þegar maður lítur inn í ævintýraheim Handverkskúnstar. Þar eru ógrynnin öll af girnilegu garni, fallegum prjónauppskriftabókum og mörgu fleiru. „Vinsælasta varan okkar er líklega Drops-garnið. Það kemur í ýmsum litum og áferðum og er á einstaklega góðu verði. Einnig erum við með fallegt, handlitað íslenskt garn frá Dottir Dyeworks og Frá Héraði. Við bendum líka á gjafabréfin okkar sem eru fullkomnar jólagjafir fyrir handóða heklara og prjónara,“ segir Elín „Handóð“ Kristín.

Ný staðsetning: Hraunbær

Handverkskúnst flutti verslun sína nýverið um eina hæð í verskunarkjarna í Hraunbæ og er nú staðsett að Hraunbæ 102a. „Þetta er verslunarkjarni í hjarta Árbæjar og þess má geta að 1. desember verður Jólahátíð Árbæjar. Hátíðin stendur frá 12.30 til 15.00 og það verður alls konar húllumhæ, frábærir afslættir og við í Handverkskúnst ætlum að bjóða upp á afslátt af völdum vörum,“ segir Elín.

Lágt vöruverð og frábær þjónusta

Handverkskúnst er þekkt fyrir gott vöruverð og frábæra þjónustu. „Það halda margir að garnið sé ódýrara í stórmörkuðum og verða steinhissa þegar þeir uppgötva að við erum oftar en ekki ódýrari,“ segir Elín. Það er því ljóst að það verður hægt að gera enn betri kaup þann 1. desember.

Nánari upplýsingar má nálgast á vefversluninni garn.is

Verslunin er staðsett að Hraunbæ 102a, 110 Reykjavík

Sími: 587-6662

Opnunartími verslunar: mánudaga–föstudaga kl. 11–18, laugardaga kl. 11–14