Þar á meðal er agave sýróp, létt jógúrt og ávaxtasafi
Ef þú ert ein/n þeirra sem er umhugað um heilsusamlegt mataræði þá ættir þú lesa lengra. Nýlega tók Daily Mail saman lista í samráði við næringarfræðinginn Rhiannon Lambert yfir vörur sem flestir telja til heilsufæðis en er það svo sannarlega ekki. Það helsta er:
Agave sýróp inniheldur mikinn frúktósa sem getur valdið insúlínónæmi, hækkuðum blóðsykri, skaðlegum áhrifum á kólesteról og kviðfitu svo eitthvað sé nefnt.
Þegar matvælaframleiðendur láta fjarlægja fitu úr fæðunni smakkast hún ekkert sérstaklega vel. Þess vegna er sykri, sírópi eða einhverskonar gervisætuefni bætt við mjólkurvörurnar svo þær bragðist betur.
Sætan er töluvert óhollara heldur en fitan. Því mælir næringarfræðingurinn með því að fólk kaupi sér gríska jógúrt (sem er mjög feit) og sæti hana sjálft með ávöxtum.
Rhiannon hvetur fólk eindregið til að hætta alfarið að borða próteinsúkkulaðistykki sem innihalda gervisætu. Þrátt fyrir að stykkin séu merkt þannig að þau virðist skaðlaus, þá eru þau það ekki.
Flestir gera sér grein fyrir því að pakkanúðlur eru ekkert sérstaklega hollar. „Það ætti ekki að flokka þetta sem mat. Enginn skilur eða getur lesið í gegnum öll innihaldsefnin í þessari fæðu.“
Rhiannon segir að eina morgunkornið sem hann myndi íhuga að borða væri það sem er gert úr höfrum í grunninn.
„Verstu morgunkornin eru þau sem eru miðuð að fólki sem hugsar um línurnar og börnum.“
„Tvö megin-innihaldsefnin í tómatsósu eru salt og sykur. Það segir allt sem segja þarf.“
Þegar næringarfræðingurinn verslar í matinn kaupir hann aldrei ávaxtasafa. Ástæðan er einföld. Það er yfirleitt meira magn af hvítum sykri heldur en ávöxtum í djúsnum.
Ef orkustangir eru gerðar úr alvöru hráefnum geta þær vissulega verið hollar. En líkt og með svo margar fjöldaframleiddar vörur þá missa þær sitt upprunalega gildi í framleiðsuferlinu.
Orkustangir innihalda nokkur holl efni eins og hafra og hnetur, en þegar þú bætir sykri og olíu við þau, ertu kominn með pakka sem ýtir undir ofát og er alls ekki góður fyrir líkamann.
