Doddi málari er öflugt málningarþjónustufyrirtæki sem staðsett er á Sauðárkróki, að Raftahlíð 73. Fyrirtækið var stofnað þann 1. júní árið 1997 en var breytt eignarhaldsfélag árið 1998. Eigendur eru Þórarinn Sveinn Thorlacius og Hólmfríður Jóhannsdóttir. Gæða- og framkvæmdastjóri er Magnús Þórarinn Thorlacius. Fastir starfsmenn á ársgrundvelli eru 4–6 en á sumrin er bætt við 6–10 starfsmönnum eftir verkefnastöðu hverju sinni en verkefni færast mjög í vöxt á sumrin. Frá stofnun fyrirtækisins hafa um 140 manns unnið hjá Dodda málara ehf.

Doddi málari sinnir ýmiss konar verkefnum, meðal annars viðhaldi á gömlum húsum og kirkjum, málun togara og báta, málun virkjana, sem og viðhaldi á venjulegum húsum. Doddi málari starfar að mest leyti innan Skagafjarðar og veitir þar fjölmörgum íbúum og fyrirtækjum góða og faglega þjónustu. Stundum er þó farið út fyrir héraðið og árið 2009 héldu nokkrir starfsmenn Dodda málara til Færeyja og máluðu þar skólabyggingu. Verkið tók um þrjá mánuði. Færeyingar tóku vel á móti starfsmönnum Dodda málara og samstarfið gekk í einu og öllu vel.

Doddi málari hefur frá upphafi stutt vel við íþróttastarf í héraðinu, aðallega við knattspyrnu- og körfuboltadeildir Tindastóls, með styrkjum og með því að útvega leikmönnum liðsins sumarvinnu.

Þeir sem hafa áhuga á að nýta sér þjónustu Dodda málara eða fá nánari upplýsingar geta sent fyrirspurn á netfangið maggitoll@gmail.com eða hringt í síma 869-8101.