Computer.is býður upp á mikið úrval af fartölvum af tegundunum Asus og Lenovo sem eru bæði þekkt og rómuð hágæðamerki í fartölvum. Bilanatíðni er afar lág í þessum tölvum og framleiðslugallar fátíðir. Þessar fartölvur býður Computer.is í öllum stærðum og gerðum þannig að allir geta fundið eitthvað við sitt hæfi, hvort sem kaupendurnir eru ástríðufullir tölvuleikjaspilarar, námsmenn eða fólk í atvinnulífinu í leit að góðri vinnutölvu. Tölvurnar eru á mjög samkeppnishæfu verði en þessa dagana eru sérstök skólatilboð á vinsælustu fartölvunum.

Computer.is er ein elsta starfandi tölvuverslun landsins en fyrirtækið hóf starfsemi í ágúst árið 1986 undir heitinu Tæknibær. Í upphafi takmarkaðist starfsemin við heildsölu á samskiptabúnaði fyrir tölvur en í dag er Computer.is sérverslun með vandaðar tölvur og fylgihluti á betra verði. Verslunin er staðsett að Skipholti 50c en er jafnframt með öfluga netverslun sem sendir vörur um allt land samdægurs eða næsta dag ef pöntun berst eftir kl. 15:00.

Minnstu fartölvurnar eru með 10 tommu skjá og þeim er hægt að skella í litlar handtöskur og nota til dæmis á ferðalögum. Flestum þykir þó best að vinna á 13-15 tommu tölvum en það eru jafnframt vinsælustu stærðirnar.
Sem fyrr segir geta allir fundið eitthvað við sitt hæfi og best er að koma í verslunina að Skipholti 50c þar sem afgreiðslufólk með mikla þekkingu á fartölvum gefur góð ráð og hjálpar til við að velja réttu tölvuna fyrir hvern og einn. Það er einnig gagnlegt að skoða úrvalið á heimasíðu verslunarinnar, computer.is.

Í flettimyndarekkanum hér að neðan er hægt að skoða nokkur sýnishorn af þeim fartölvum sem í boði eru: