Í flestum matvöruverslunum landsins má nú finna einstaka gæðavöru, ferskt hrefnukjöt. Hrefnukjöt er hrein villibráð, fullkomlega laus við aukaefni, engu er sprautað í kjötið og það er ekki unnið á nokkurn hátt. Í 100 grömmum af hrefnukjöt eru 25 grömm af hreinu próteíni. En hrefnukjöt er ekki bara meinhollt heldur einnig hreinasta lostæti. Í boði eru tvær gerðir af hrefnukjöti, marinerað og ómarinerað. Það síðarnefnda þykir einstaklega gott hrátt sem forréttur og er þá borðað með til dæmis sojasósu, wasabi og engifer.

Það er fyrirtækið IP-dreifing í Hafnarfirði sem selur kjötið til verslana en IP-útgerð gerir út hvalveiðibát sem nú er á veiðum. Nú þegar hefur 21 hrefna veiðst og kjötið af þeim er til sölu í verslunum.

Á vefnum hrefna.is er að finna gagnlegar og skemmtilegar upplýsingar um hrefnukjötið, meðal annars girnilegar uppskriftir.