Joss, Laugavegi 99
Joss á Laugavegi 99 er kvenfataverslun í fínni kantinum, að því leyti að þar eru seldar afar vandaðar vörur sem endast jafnvel ævilangt – þekkt hágæðamerki sem flestar konur, áhugasamar um föt, kannast við. Andrúmsloftið í versluninni er hins vegar afslappað og eigandinn, Jóhanna Sigríður Berndsen, er þekkt fyrir góða þjónustu og skemmtilegt viðmót sem viðskiptavinir kunna vel að meta. Mikið ber á vönduðum þýskum fatamerkjum sem Jóhanna segir blaðamanni lítils háttar frá:
„Til dæmis Eva Claudi sem framleiðir alls konar fatnað, Bloom sem leggur mikla áherslu á peysur, til dæmis afar vandaðar peysur úr kashmir-ull; svo eru það til dæmis gallabuxur og aðrar buxur frá Mac, sem eru geysilega vandaðar og fallegar, en Mac framleiðir bara buxur. Svo má nefna Nadine H sem býður upp afskaplega fallegar skyrtur og efri toppa.“
Einnig er Joss með hollenska merkið Beaumont sem sérhæfir sig í kápum úr ull, dúni og fleiri efnum, sem og í regnkápum. Enn fremur hannar og framleiðir Beaumont alls konar fallega jakka, til dæmis litla dúnjakka sem eru afar léttir og afskaplega vinsælir.
Enn fremur má nefna vinsæla og vandaða leðurjakka frá sænska fyrirtækinu Jofama.
Flest fötin eru undir vönduðum þýskum merkjum og segist Jóhanna kunna betur að meta þýsk fatasnið en til dæmis ítölsk. Skórnir sem eru til sölu í Joss eiga sér hins vegar annan uppruna:
„Ég er með skó frá dönskum hönnuði sem eru handgerðir á Ítalíu. Þetta er hönnuður sem fylgir sinni framleiðslu afar vel eftir, alveg til enda. Hún velur sérstakt leður í skóna og vinnur með það á sérstakan hátt. Ég er líka með afar vandaða, handgerða skó frá Menorca á Spáni.“
Joss býður einnig upp á einstaklega vandaðar, handgerðar töskur frá Hollandi:
„Þær eru handunnar úr nautshúð, þetta er þykkt og sveitt nautshúð og töskurnar eru í náttúrulegum litum sem passa vel við allt. Litirnir eru til dæmis súkkulaðibrúnn, koníaksbrúnn, rauður og svartur. Sumar af þessum töskum eru unisex, þ.e. þær henta báðum kynjum.“
„Ég er með allt og stíla ekki inn á sérstakan aldur. Fólk er svo misjafnt og ég forðast þess vegna að stíla inn á sérstakan aldurshóp. En þar sem þetta eru vörur í dýrari kantinum þá eru kannski heldur færri viðskiptavinir úr hópi ungra kvenna þó að hingað komi fólk á öllum aldri,“ segir Jóhanna og bætir við að erlendir ferðamenn hafi alltaf verið stór hluti af kúnnahópnum, líka áður en sá mikli uppgangur í ferðamennsku sem nú á sér stað hófst fyrir örfáum árum. Jóhanna hefur rekið Joss í slétt 20 ár, eða frá árinu 1996. Verslunin hefur verið staðsett víða á Laugaveginum og var um tíma uppi í Grafarvogi: „Það var þegar uppgangurinn var sem mestur á Laugaveginum – sem var bara niðurgangur! – þegar menn gengu um Laugaveg og keyptu upp hverja einustu fasteign sem bar fyrir augu,“ segir Jóhanna, en hún vill helst hvergi annars staðar vera með verslun en á Laugaveginum, og kann vel við sig í rúmgóðu húsnæði á Laugavegi 99. Þar er gaman að skoða sig um enda afar gott úrval af vörum. Hins vegar eru tiltölulega fá eintök af hverri og einni vöru, oftast bara ein flík í hverri stærð. Það er lítil hætta á því að rekast á aðra konu í sams konar flík og keypt er í Joss, en auk þess verða innkaup hagkvæmari þegar keypt er inn með þessum hætti, ein flík í hverri stærð.
Joss er opin virka daga og laugardaga frá kl. 11 til að minnsta kosti 18 en lokunartíminn er nokkuð frjálslegur og fer eftir aðsókninni.
Joss er hvorki með vefsíðu né virka Facebook-síðu enda öll áherslan á góða þjónustu í raunheimi. Það er um að gera að koma á staðinn, að Laugavegi 99, og skoða glæsilegt úrvalið. Joss er klárlega verslun þar sem öllum konum sem hafa áhuga á fallegum fötum þykir gaman að skoða sig um í og ef þig langar að kaupa eitthvað geturðu gengið að góðri, persónulegri og faglegri þjónustu vísri.
