Krafa samfélagsins um að innflytjendur aðlagist með því að tileinka sér lágmarks íslenskukunnáttu hefur aukist og mun aukast enn frekar eftir því sem innflytjendum fjölgar. Ábyrgð vinnuveitenda á íslenskum vinnumarkaði er að veita erlendu starfsafli tækifæri til þess að afla sér lágmarks þekkingar á íslenskri tungu.
Mikil tækifæri eru fólgin í þeim mannauði sem skapast á vinnustöðum þar sem samskipti eru til fyrirmyndar. Með góðum samskiptum eykst starfsánægja og því fylgir jafnari og betri framlegð í starfi, ásamt því að lágmarka kostnað sem hlýst af starsmannaveltu. Íslenskukennsla fyrir erlent starfsfólk er mikilvægur hluti af þessu ferli.
Fyrirtækið Retor Fræðsla sérhæfir sig í íslenskukennslu fyrir innflytjendur og býður núna fyrirtækjum með erlent starfsfólk upp á heildarlausn sem meðal annars felur í sér greiningu á íslenskukunnáttu starfsfólksins og íslenskukennslu fyrir það.
Stofnandi fyrirtækisins og skólastjóri Retor Fræðslu er Aneta M. Matuszewska sem flutti hingað frá Póllandi árið 2001. Hún þekkir af eigin raun hvernig það er að vera innflytjandi í íslenskunámi. Aneta tók strax þá ákvörðun að læra íslensku. Þremur árum síðar var hún byrjuð að kenna Pólverjum íslensku. Árið 2008 stofnaði hún síðan Retor Fræðslu.
„Innflytjendur eiga að læra íslensku,“ segir hún ákveðin en það er ekki síður hagur íslensks samfélags og fyrirtækjanna sem hinir aðfluttu starfa hjá en innflytjendanna sjálfra. Auk þess sem nefnt var hér að framan um jákvæð áhrif þess á starfsemi fyrirtækja að erlent starfsfólk öðlist færni í íslensku nefnir Aneta þetta lykilatriði til viðbótar:
„Vel menntaðir og hæfir erlendir einstaklingar geta komið með ferskar hugmyndir og nýja sýn inn í atvinnulífið hér. En forsenda fyrir því er að viðkomandi aðilar nái góðum tökum á tungumálinu. Ef þeir gera það ekki tekst þeim ekki að nýta menntun sína og hæfni og geta festst í störfum sem eru langt fyrir neðan hæfni þeirra. Við þetta missa þeir ekki bara af tækifærum heldur getur samfélagið hér farið á mis við mikilsverða hæfni þeirra.“
Nánari upplýsingar um starfsemi Retor Fræðslu má finna á heimasíðu fyrirtækisins. Einnig eru veittar ítarlegar upplýsingar um starfsemina, meðal annars fyrirtækjaþjónustuna í síma 519 4800.
