Það er ekki fyrir alla að fara í tívolí. Í skemmtigarði einum í Flórída er tæki sem er reyndar að finna víðar. Það kallast Slingshot eða teygjubyssa, og skýtur fólki upp um einhverjar 28 hæðir á örskotsstundu.

Á Facebook-síðu skemmtigarðarins er að finna mörg myndbönd af fólki sem fer í tækið. Eitt hefur þó vakið meiri athygli en annað. Myndbandið var sett inn 23. október og sýnir parið Austin og Mackenzie, sem DV kann ekki frekari deili á, skella sér í salíbunu.

Óhætt er að segja að skotið reynist Austin um megn. Hann missir meðvitund ítrekað en verður þó ekki meint af. Á leiðinni niður rankar hann loks við sér og spyr kærustuna – sem hafði skemmt sér konunglega – hughreistandi hvort nokkuð amaði að henni. „Þetta var nú allt og sumt,“ segir hann svo af yfirvegun, nývaknaður úr rotinu. Um fjórar milljónir manna hafa skemmt sér konunglega yfir myndbandinu síðustu daga.

Það má kannski taka fram að Austin er ekki eini maðurinn sem missir meðvitund í tækinu. Hér er myndband af nokkrum ofurhugum: