Maðurinn sem hafði verið leitað að á Esjunni frá því í gærkvöldi fannst látinn í hlíðum Kistufells á fjórða tímanum í dag. Að sögn lögreglu er ekki hægt að birta nafn hins látna að svo stöddu.
Leit hófst um klukkan níu í gærkvöld eftir að lögreglu barst tilkynning um að maðurinn hefði ekki skilað sér úr göngu. Leit stóð yfir í alla nótt og svo aftur í morgun eftir stutt hlé.
Allt viðbragð var svo afturkallað á fjórða tímanum í dag.
