Eftir að dánarorsök leikarans Gene Hackman og eiginkonu hans, Betsy Arakawa, var gerð opinber hafa margir velt því fyrir sér hvers vegna einn af þremur hundum fannst einnig dauður. Nú hefur dánarorsökin verið upp gefin.
Talið er að Betsy hafi látist þann 11. febrúar úr lungnaheilkenni að völdum hantaveiru, sem berst með nagdýrum. Hackman, sem var 95 ára, var með Alzheimer og óvíst hvort hann hafi vitað af dauða konu sinnar. Hann lést viku seinna, 18. febrúar, af völdum háþrýstings og hjarta og æðasjúkdómi.
Hjónin fundist látin 27. febrúar og var greint frá andlátinu degi seinna. Vakti það furðu margra enda fannst einn þremur hundum þeirra dauður líka.
Hundurinn sem drapst var 12 ára gömul tík af tegundinni Australian Kelpie, nefnd Zinna. Hún fannst á baðherberginu, skammt frá líki Betsy.
Zinna hafði verið hjá dýralækni og var geymd í sérstöku búri til að jafna sig eftir aðgerð. Við krufningu sást að maginn á henni var tómur. Telja réttarmeinafræðingar því að Zinna hafi einfaldlega drepist úr þorsta og hungri.
Hinir tveir hundarnir fundust á lífi. En þeir gengu lausir á lóðinni og höfðu aðgengi að húsinu í gegnum hundahurð. Það voru Schafer hundarnir Bear og Nikita.
