Þessari spurningu varpar Samband ungra framsóknarmanna fram en sambandið hefur ákveðið að blása til söfnunar fyrir Ragnar Þór Ingólfsson, þingmann Flokks fólksins og fyrrverandi formann VR. Söfnunin fer fram á vefnum GoFundMe.
Greint var frá því á dögunum að starfslokauppgjör Ragnars Þórs frá VR, biðlaun og ótekið orlof, hafi numið 10 milljónum króna. Um var að ræða eingreiðslu og vakti málið talsverða athygli, ekki síst fyrir þær sakir að Ragnar hefur látið talsvert til sín taka í umræðunni um sjálftöku og svívirðu af ýmsu tagi.
Ragnar steig fram á Facebook í síðustu viku og réttlætti hann uppgjörið með þeim rökum að peningarnir hefðu farið inn á neyðarsjóð fjölskyldunnar. Hann búi ekki við þann lúxus að geta farið í leyfi eða gengið að starfi eftir að þingsetu líkur.
Sjá einnig: Ragnar Þór svarar fyrir biðlaunin – „Hef fullan skilning á því að þetta slái fólk illa“
Í tilkynningu sem Samband ungra framsóknarmanna sendi frá sér segir:
„Eins og margir aðrir vorum við í Sambandi Ungra Framsóknarmanna mjög fegin þegar að við heyrum af því að þær 10,2 milljónir sem Ragnar Þór fékk útborgað við starfslok við VR væri örugglega að fara í hans vasa en ekki til neina aðra málefna. En við spurðum okkur, er þetta nægur peningur? Ragnar Þór hefur aðeins verið á 1,3 milljónum á mánuði síðan 2017 og mun aðeins fá 1,6 milljónir sem þingmaður næstu fjögur árinn. Hvernig á hann að framfleyta fjölskyldunni sinni á þessum kjörum?“
Myndband sem Samband ungra framsóknarmanna birti á TikTok í dag má sjá hér að neðan, en þar slær formaðurinn, Hrafn Splidt Þorvaldsson, á létta strengi.
@ungframsoknHjálpum Ragnari 😭♬ original sound – UngFramsókn
