Eftir margra mánaða þrætur hefur Mike Johnson, formaður fulltrúadeildar Bandaríkjaþings, ákveðið að deildin greiði atkvæði um frumvarp um hernaðaraðstoð til handa Úkraínu, Taívan og annarra bandalagsríkja Bandaríkjanna.

The New York Times skýrði frá þessu í nótt. Í augum Job Biden, forseta, er sá hængur þó á fyrirætlunum Johnson að ekki verður greitt atkvæði um þetta í einu frumvarpi, heldur verður því skipt upp í þrjú frumvörp.

Öldungadeildin hefur áður samþykkt hjálparpakkann en þar eru Demókratar í naumum meirihluta. Johnson hefur fram að þessu ekki ekki tekið í mál að taka hann til atkvæðagreiðslu vegna andstöðu sumra þingmanna Repúblikanaflokksins en þeir eru á móti meiri hernaðaraðstoð til Úkraínu.

Pakkinn sem öldungadeildin samþykkti er upp á um 95 milljarða dollara.

Ekki liggur fyrir hvenær fulltrúadeildin tekur pakkana til afgreiðslu eða hvort Demókratar muni sætta sig við þær breytingar sem Repúblikanar ætla að gera á þeim.