Síðastliðinn föstudag voru tveir Palestínumenn, sem eru með skráða búsetu á Íslandi, handteknir í smáþorpinu Studenec, skammt frá borginni Koper, í Slóveníu. Þetta kemur fram í staðarmiðli í Koper, í yfirlitsfrétt um störf lögreglu. Sjá nánar hér.
Atvikið átti sér stað á þriðja tímanum í eftirmiðdaginn á föstudag. Annar mannanna er 48 ára gamall. Hann ók bíl af gerðinni ŠKODA kodaiaq með austurrísku bílnúmeri, og stöðvaði lögregla bílinn. Með honum var 38 ára gamall félagi hans. Mennirnir eru í fréttinni báðir sagðir vera búsettir á Íslandi. Þeir voru handteknir vegna gruns um að hafa flutt sjö manneskjur, fimm Sýrlendinga og tvo Egypta. Fólkið hélt til í miðstöð hælisleitenda í bænum Logatec, skammt frá vettvangi, en fór þaðan sjálfviljugt. Við handtöku ítrekaði það kröfu sína um alþjóðlega vernd.
Palestínumennirnir, sem sagðir eru búsettir á Íslandi, voru báðir handteknir. Þeir komu fyrir rannsóknardómara á laugardag sem úrskurðaði þá í gæsluvarðhald.
